काठमाडौँ, असोज २८-
विगतमा जस्तै यस वर्षपनि तिहार पर्व नजिएसँगै मखमली फूल निर्यात र सयपत्री फूलको आयात सुरु हुन थालेको छ । नेपालबाट हरेक वर्ष मखमली फूल अस्ट्रेलिया, अमेरिका, जापान लगायतका देशमा निर्यात हुँदै आएको छ । र यसवर्ष पनि ६० लाख रुपैयाँ बराबरको मखमली फूल निर्यात हुने अनुमान गरिएको हो ।
त्यस्तै विभिन्न मुलुकमा नेपालले मखमली फूल निर्यात गरेपनि सयपत्री फूल नेपाल अझै आत्मनिर्भर बन्न सकेको छैन । तर आत्मनिर्भर बन्न विभिन्न कार्यक्रम भएपनि सयपत्री फूलमा आत्मनिर्भर नबन्दा यसवर्ष तिहारका लागि भारतबाट १ करोड ५० लाख रुपैयाँ बराबरको तीन लाख सयपत्रीका माला आयात हुने भएको छ ।
नेपालमा वार्षिक कारोबारको ५० प्रतिशत फूल तिहारमा खपत हुने गर्छ । तर जनशक्ति, मल, बिउ नपाउँदा नेपाल सयपत्री फुलमा आत्मनिर्भर बन्न नसकेको हो ।