अविरल बर्षाका कारण ठिमुरा बिद्यालयको पक्की पर्खाल भत्कियो , बिद्यालय समेत असुरक्षित

चितवन , असार २३ – अबिरल बर्षाका कारण भरतपुर महानगरपालिका वडा नम्बर १ ठिमुरा स्थित राष्ट्रिय आधारभुत बिद्यालयको पर्खाल भत्किएको छ । लगातारको बर्षाका कारण शनिबार राती करिव १० मिटर पक्की पर्खाल भत्किएको हो । बिद्यालयको पर्खाल भत्किएपछी बिद्यालय भवन समेत जोखिममा परेको छ । करिव दुई बर्ष पहिले बिद्यालयको सुरक्षाका लागि भरतपुर महानगरपालिका वडा नम्बर १ को आर्थिक सहयोगमा पर्खाल निर्माणको काम गरिएको भएपनि लगातारको बर्षाले रातको समयमा पर्खाल भत्किएको बिद्यालयका प्रधानध्यापक ज्योती नारायण ढकालले बताउनु भयो । उहाले दिनरात नभनि रगत पसिना बगाएर अहोरात्र खटेर निर्माण गरिएको पक्कि कम्पाउण्ड गर्ल्याम्मै ढल्दा आफु ज्यादै दुखि भएको बताउदै एकातिर निर्माण गर्दै जान्छु अर्कोतिर क्षति हुदै जान्छ – सिलाउने र च्यातिने जस्तो भएको बताउनु भयो । उहाँले पर्खाल भत्किएपछी विद्यालय समेत असुरक्षित भएकाले पर्खाल निमार्णका लागि सहयोगको अपिल समेत गर्नु भएको छ ।
शनिबार मात्रै सो बिद्यालयको नर्मदा लोक लक्ष्मी फाउन्डेसनको सहयोगमा ४ कोठे पक्की भवनको ढलाइ भएको थियो । ठिमुरा बिद्यालयमा बिपन्न तथा चेपाङ समुदायका करिव १ सय बिद्यार्थी अध्यन गर्दै आएका छ्न ।