नारायणगढ-मुग्लिन सडकखण्डमा बस र ट्याङ्कर ठोक्किँदा १६ जना घाइते

चितवन , साउन ५ – चितवनको भरतपुर महानगरपालिका २९ स्थित नारायणगढ मुग्लिङ सडकखण्डमा बस र तेलको ट्याङ्कर ठोक्किँदा १६ जना यात्रु घाइते भएका छन्। शनिबार अपराह्न ३ बजेको समयमा सो सडकखण्ड अन्तर्गतको भतेरी भन्ने स्थानमा बस र तेलको ट्याङ्कर एक आपसमा ठोक्किएका थिए । नारायणगढबाट पोखरातर्फ जाँदै गरेको ग २ ख १४०१ नम्बरको बस सोही दिशाबाट जाँदै गरेको ना ७ ख ५४९१ नम्बरको पेट्रोल ट्याङ्करको पछाडि ठोक्किँदा दुर्घटना भएको हो। दुर्घटनामा १६ जना यात्रुहरु घाइते भएका छ्न । घाइतेहरु लाई उपचारका लागि भरतपुर पठाइएको जनाइएको छ ।