नेकपा एमाले भरतपुर-११ को अध्यक्षमा गोकर्ण कार्की निर्वाचित

चितवन ,भदौ १५- नेकपा (एमाले)को सङठित सदस्यको आधारमा देशकै ठूलो वडा भरतपुर महानगरपालिका-११ को अध्यक्षमा गोकर्ण कार्की निर्वाचित हुनुभएको छ । कार्की यस अगाडिको कमिटिमा सचिबको कार्यभार सम्हाल्दै आउनु भएको थियो । आज (शनिवार) सम्पन्न २३ औं वडा अधिवेशनले कार्कीको अध्यक्षतामा नयाँ कमिटी निर्वाचित गरेको हो । कमिटीको उपाध्यक्षमा खेम सुवेदी,सचिवमा हरी आचार्य शर्मा,सहसचिवमा बिष्णुमाया पोखरेल र सिता बास्तोला निर्वाचित हुनुभएको हो ।
आज सम्पन्न अधिबेशनले पदाधिकारी लगायत सदस्यको चयन गरेको हो । अधिवेशनको पार्टी पोलिटव्युरो सदस्य तथा चितवन जिल्ला इन्चार्ज देवी ज्ञवालीले उद्घाटन गर्नुभएको थियो भने कार्यक्रममा जिल्लाका विभिन्न तहका नेता तथा कार्यकर्ताहरुको सहभागिता रहेको थियो ।