१५, फागुन, चितवन
श्रमजीवि पत्रकारहरुको संगठन प्रेस चौतारी चितवन र राष्ट्रिय युवा संघ चितवन बीचको मैत्रीपूर्ण फुटबल खेलमा युवा संघ नेपाल बिजयी भएको छ । प्रेस चौतारीको टिमलाई ३ गोलले पराजित गर्दै राष्ट्रिय युवा संघको टोली विजयी भएको हो । काठमाण्डौंमा जारी केपी ओली कपको प्रचारप्रसार तथा प्रेस चौतारी चितवनको भवन निर्माण सहयोगार्थ आयोजना गरिएको मैत्रीपूर्ण फुटबलको उत्कृष्ट खेलाडी प्रेस चौतारी टिमका कृष्ण कार्की भए । सो क्रममा प्रेस चौतारी चितवनको भवन निर्माणका लागि राष्ट्रिय युवा संघले ५१ हाजर १ सय ११ रुपैयाँ सहयोग गरेको छ । कार्यक्रममा प्रेस चौतारी चितवनका अध्यक्ष सुवास पण्डितले प्रेस चौतारी नेपालको देशकै पहिलो भवन चितवनमा बन्दै गरेकोले भवनलाई सहयोग जुटाउने मनशायले युवा संघले खेलको आयोजना गरेकामा धन्यवाद दिए । खेल संयोजक राज घलेले युवा संघले प्रेस चौतारी चितवनको भवन निर्माणका लागि रचनात्मक खेलका माध्यमबाट सहयोग गर्न पाउँदा खुसी लागेको बताए । आगामी दिनमा पनि यस्ता कार्यक्रम चौतारीसँग मिलेर गर्ने नेता घलेको बताए । संघका चितवन जिल्ला अध्यक्ष झलक भट्टको अध्यक्षतामा भएको कार्यक्रममा एमाले पोलिट्ब्यूरो सदस्य देवी ज्ञवाली, सभाषद कृष्णभक्त पोखरेल, एमाले चितवनका अध्यक्ष रामप्रसाद न्यौपाने, एमाले उपाध्यक्ष कमलराज पाठक, एमाले प्रचार विभाग प्रमुख एवम् जिल्ला सहसचिव प्रकाश ढुंगाना, एमालेका विभिन्न तहका नेताहरु, युवा संघका नेताहरु प्रताप डल्लाकोटी, केन्द्रीय सदस्य एवम् चितवन जिल्ला इन्चार्ज शंकर अधिकारी, संघका केन्द्रीय सदस्यहरुको सहभागिता रहेको थियो ।
Breaking News
- विद्युत उत्पादनमा बैंक तथा वित्तीय संस्थाले २०% लगानी गर्नैपर्ने बाध्यात्मक व्यवस्था गर्नुपर्छः इप्पान अध्यक्ष कार्की
- पुनर्संरचना र पुनर्तालिकीकरण व्यवस्थाले लघुवित्तहरुको एनपीएल घट्यो, ४४ वटा संस्था नाफामा
- सदनमा एमाले र कांग्रेसका सांसदबीच धकेलाधकेल
- बलात्कारको बेलामा किन महिला भाग्दैनन्, किन चिच्याउँदैनन् ?
- पाल्पाको निस्दीमा जीप दुर्घटना , दुईको मृत्यु, तेह्र जना घाइते
- आज ३१औं मदन-आश्रित स्मृति दिवस, विविध कार्यक्रम गरिदै
- लिटरमै ७ रूपैयाँले घट्यो पेट्रोलको मूल्य
- सन्दीपको निलम्बन फुकुवा, खुल्यो टी-२० विश्वकप खेल्ने बाटो