रोजेको मन्त्रालय नपाएपछि जनमतका अब्दुल खानले दिए मन्त्रीबाट राजीनामा

खानेपानी तथा सरसफाइ मन्त्री अब्दुल खानले मन्त्री पदबाट राजीनामा बुझाएका छन् ।
मन्त्रिपरिषद् पुनर्गठनका क्रममा रोजेको मन्त्रालय नपाएपछि खानले प्रधानमन्त्री पुष्पकमल दाहाल ‘प्रचण्ड’लाई राजीनामा बुझाएका हुन् ।
जनमत पार्टीले उद्योग, वाणिज्य तथा आपूर्ति मन्त्रालय मागेको थियो । तर, उक्त मन्त्रालय नपाएपछि खानले शुक्रवार दिउँसो प्रधानमन्त्रीलाई भेटेर राजीनामा बुझाएका हुन् ।